Announcement

Collapse
No announcement yet.

@ درس القلم المتحرك @

Collapse
X
  • Filter
  • Time
  • Show
Clear All
new posts

  • @ درس القلم المتحرك @




    السلام عليكم ورحمة الله وبركاته


    اليوم يايب لكم درس " القلم المتحرك "


    نفس اللي في توقيعي ... درس حلو بس طويل ويباله تركيز شوي وطولت بال .. شربوا الاكسبريسو وريحوا وتابعوا مع التطبيق لا ننسى ان لازم تكون عتدنا صورة قلم او ريشة ...


    1) نفتح لير يديد بأي قياس نباه .. وانا اخترت هالمقاسات




    2) نكتب اللي نباه ( يا ليت نوع الخط ما يكون غليظ وايد عسب يركب مع حجم القلم )

    3) ننسخ لير الكتابة كما موضح في الصورة






    4) الحين وعلى اللير المنسوخ نضغط بالرايت ماوس على اللير المنسوخ ونختار Rastreize Layer على اساس نتعامل مع الكتابة كصورة ولاحظ الصورة عقب ما اخترنا التغيير






    5) نشل او نبعد علامة العين من حذال لير الكتابة الاول مثل الصورة




    6) نختار المحاية من الادوات ويا ليت نخلي حجمها مناسب مع حجم الخط اللي كتبناها



    7) الحين نمسح جزء بسيط من آخر حرف بالكلمة كما في الصورة





    يتبع ....







    Last edited by المرعب; 03-11-07, 04:02 pm.

  • #2



    8) الحين نسوي اللي سوويناه قبل ... نكرر عملية النسخ وبعدين نشل العين من اللير الثاني او الاجدم مثل الصورة





    9) والحين نختار المحايه مره ثانيه ونمسح جزء ثاني من الكلمة مثل ما سوينا قبل ... مثل الصورة



    10) نتم على هالحال لين آخر جزء من آخر حرف .... مثل الصورة



    11) نفتح صورة القلم او الفرشاة او الريشة اللي نبى نستخدمها وبعد ما نفتحها نحددها وننسخها

    لتحدديها نضغط على Ctrl+A ولنسخها Ctrl+C



    12) نروح على اللير الاخير اللي كنا نشتغل عليه وفيه آخر جزء من الكلمة ونحط القلم Ctrl+V ونحطه على الطرف الاخير من الجزء المتبقي مثل الصورة .. ونلاحظ ان لير القلم فوق كل الليرات



    13) الحين ننتقل للايميج ريدي



    14) ها اللي طلع عندنا يوم انتقلنا الى الايميج ريدي



    15) نرفع علامة العين من اللير اللي تحت لير القلم واللي هو الجزء الاخير من الكتابة



    16) بعد ما شلينا العين ننسخ اللير من الانيميشن .. مثل الصورة




    17) الحين نرجع للير اللي تحت القلم ونرجع العين اللي شليناها



    18) الحين نحرك القلم للطرف الاخير من الجزء المكتوب




    19) الحين ننسخ اللير من الانيميشن وبعدين نشل العين من اللير اللي تحت القلم ونحطها في اللير اللي تحت تحت القلم وثم نحرك القلم لين اخر الجزء المكتوب



    20) الحين نتبع هالتنسيق ... ننسخ اللير وبعدين نشل العين عنه ونحطها باللي تحته ونحرك القلم




    21) ها شكل شغلنا بعد ما وصلنا لاخر حرف في الكلمة



    22) الحين ننسخ لير الانيميشن الاخير وبعدين نحرك القلم لأي مسافة فاضية في التصميم



    23) الحين نضغط على الـ Tween في الانيميشن بار ونختار هالاعدادات



    24) آخر خطوة ان نحدد الوقت ... نختار اول لير في الانيميشن بار ونضغط شفت ونتم ضاغطين شفت لين نختار اخر لير عسب نسوي select all ونختار وقت محدد مثل 0.1 او 0.2 اللي يعيبنا



    25) اخر خطوة انا نحفظ شغلنا بصيغة gif وكما موضح بالصورة



    ان شاء الله الدرس واضح ... اعرف طويل ويمكن اضيع شوي بس جاهز لاي سؤال











    Comment


    • #3
      شكرا لك جزيل الشكر الدرس

      و لكن الموضوع يحتاج الى التركيز للاستيعاب

      و الله الموفق
      لا اله الا الله محمد رسول الله

      Comment


      • #4
        ماشاء الله تبارك الله موضوع متعوب عليه ومايحتاج اي كلام سوى انه راااائع ... يبا له مب الاكسبريسو نشربه وبس... قول عشر علب ريد بل هههههههه.

        يعطيك العافية اخوي المرعب..

        Comment


        • #5
          يعطيك االعافية المرعب على الدرس الحلو .. متعب شوي ويبغيلي تركيز ..

          وهذا تطبيقي للدرس على السريع .. بصراحة يبغيله شغلة

          Last edited by Nothing2say; 03-11-07, 04:04 pm.
          (( الكل يريدك لنفسه .. الا الله يريدك لنفسك ))

          Comment


          • #6



            هاني


            العفو خيو ....كم محاولة وتركيز شوي وبتقدر تسويه عادي بس مشكلته انه طويل

            ++++++++++

            سيد الخواتم


            الاروع تواصلكم خيو وبيكون اروع اكس لارج اذا شفت محاولتك


            شوي طويل بس حلووووووووووو

            ++++++++++

            Nothing2say



            محاولة جميله بس شوي يبالج ترتبين سالفة المسح وتركيب القلم عسب تكون متناسقه شوي

            يعطيج العافية









            Comment


            • #7
              Originally posted by المرعب View Post

              Nothing2say



              محاولة جميله بس شوي يبالج ترتبين سالفة المسح وتركيب القلم عسب تكون متناسقه شوي

              يعطيج العافية


              يبالها ترتيب .. كانت محاولة على السريع ,, تنفيذ الخطوات بس .. المرة الياية بتكون أرتب ان شاء الله ..
              (( الكل يريدك لنفسه .. الا الله يريدك لنفسك ))

              Comment


              • #8
                درس طويل ويباله تركيز

                تسلم عليه

                وان شاء الله بحاول اطبقة من احصل وقت

                ::
                .


                Comment


                • #9
                  السلام عليكم

                  يعطيك العافيه
                  الصراحه طبقت الدري وليتني ما طبقته هههه القلم مره يروح على الحرف الاول ومره على الحرف الاخير

                  مدري الخلل في الدس ولا فيني .؟؟؟؟!!!! خخخخخ
                  تنبيه :
                  والله أني بنت ،،،فتـــــاة

                  Comment


                  • #10
                    Originally posted by Nothing2say View Post
                    يبالها ترتيب .. كانت محاولة على السريع ,, تنفيذ الخطوات بس .. المرة الياية بتكون أرتب ان شاء الله ..



                    ان شاء الله وانا متأكد انج بتضبطينه في الانتظار





                    Comment


                    • #11
                      Originally posted by الجويس View Post
                      درس طويل ويباله تركيز

                      تسلم عليه

                      وان شاء الله بحاول اطبقة من احصل وقت

                      ::
                      .



                      الله يسلم غاليج وانا بتريا تطبيقج





                      Comment


                      • #12
                        Originally posted by صدى الأحزان View Post
                        السلام عليكم

                        يعطيك العافيه
                        الصراحه طبقت الدري وليتني ما طبقته هههه القلم مره يروح على الحرف الاول ومره على الحرف الاخير

                        مدري الخلل في الدس ولا فيني .؟؟؟؟!!!! خخخخخ


                        دام فيها " دري ، دس " فأكيد العوق فيج صدووووووووووووه هاااااااااااااااااااااااع


                        لبسي نظارتج اللي سُمك عدستها " 3 كيلو " وركزي شوي وبيضبط وياج






                        Comment


                        • #13
                          السلام عليكم

                          موضوع متعوب عليه

                          الله يعطيك العافيه



                          Comment


                          • #14
                            Originally posted by إماراتية للأبد View Post
                            السلام عليكم

                            موضوع متعوب عليه

                            الله يعطيك العافيه



                            وعليكم السلام ورحمة الله



                            الله يعافيج خيتو.... تسلمين على الرد







                            Comment


                            • #15
                              هاتطبيقي




                              وتسلم عالدرس


                              Comment

                              Working...
                              X